Vestrahorn - Boreal

Helgina 28.-30.júní fórum við fjögur austur í Vestrahorn og klifum Boreal. Leiðin var kláruð núna í vor en Snævarr Guðmundsson og Guðjón Snær Steindórsson boltuðu leiðina sem er 450 metra löng. Veðrið á laugardeginum var alveg hreint frábært, logn, sól og varla ský á himni. Við vorum um þrjá tíma að klifra upp á topp og kringum níu tíma tjald í tjald. Sigið niður tók sinn tíma því við vildum halda hópnum saman til að minnka hættu við grjóthrun.