Háasúla, feb 2010

Fór ásamt Hafnfirðingunum Bergi og Tómasi í klifurleiðangur 20.feb. Renndum upp í Þórisjökul til að skoða Birkitréð en þar var engann ís að hafa. Ákváðum í staðinn að klifra Háusúlu í Botnsúlum. Fórum norðurhliðina sem var þægilegt en tortryggt klifur.

Bergur og Tómas gera sig klára fyrir Háusúlu eftir bíltúr um Kaldadal.
Háasúla 1023 metrar.
Tómas horfir á tindinn. Leiðin lá upp í klaufina hægra megin við tindinn.
Úr klaufinni var um 100 metra klifur upp á toppinn. Við tókum það í tveimur spönnum. Það er ekki erfitt nema hvað varðar tryggingar. Ég leiddi fyrri spönnina sem var 50 metrar með 3 tryggingum. 2 fleigar og ein léleg 13 cm skrúfa.